SARRERA

Nortzuk gara?

Intxaurrondotik Wukora Elkartea irabazi asmorik gabeko elkarte bat da. Angel Olaranekin elkarlanean lan egiten du Tigray eskualdeko Wukro herrian. Helburua: herritarren bizi baldintzak hobetzea.

Zer gertatzen da?

Tigray eskualdea, non Intxaurrondotik Wukrora Elkarteak lan egiten duen, elikatzeko segurtasun eza kronikoa duen ingurunea da. Tigray Eskualdeko Nekazaritza eta Landa Garapeneko Saiaren azken txostenen arabera eskualdeko etxebizitzen %10,9k soilik lortzen dute familiaren nutrizio beharrak asetzeko beharrezkoa den produkzioa.

Angel Olaranek eskualdeari, non 30 urte inguru daramatzan lanean, egin dion ekarpenik garrantzitsuena 1995ean eskualdeko Lanbide Heziketako erreferentzia bihurtu den Saint Mary Eskola sortu eta martxan jartzea izan da.

Saint Maryn 400 gazte baino gehiagok formakuntza jasotzen dute nekazaritzan, merkataritzan, mekanikan, soldatzean, elektrizitatean eta iturgintzan. Eskualdean hamarkadetan lanean ibili ostean, konturatu dira hezkuntza indartzea dela garapen iraunkorrean laguntzeko erarik eraginkorrena, herritarrei, bizi duten elikatzeko segurtasun ezari aurre egiteko behar dituzten tresnez eta gaitasunez hornituz.

Wukroko eta Tigray eskualdeko herritarrek bizi duten elikatzeko segurtasuna eza kroniko hori dugu gure ekintzaren abiapuntu eta ZAPOREAK Proiektua eragiten duen arrazoia.

Biztanleriak nutrizioa eta elikatze osasungarri baten inguruan duen ezjakintasuna, ekipamendu egokiaren falta eta elikagaien biltegiratze eta prozesatze tekniken inguruko nozioen falta dira ZAPOREAK Proiektuak aldatzea bilatzen duen estrategia lerroetako bat. Aldi berean, ZAPOREAK Proiektuak Wukron Ostalaritza eta Gastronomia Eskola bat martxan jartzeko asmoa du, horrekin batera, nekazaritzako elikagaien arloan diru-sarrerak sortuko dituzten ekintzak garatzeko xedea du, hala nola, formakuntza zerbitzu ordainsarituen eskaintza eta merkataritza ekintzak martxan jartzea. Horrek guztiak eskualdearen garapenean lagunduko du, bere hazkunde ekonomiko eta industrialaren ikuspuntutik, sortuko diren produktuei irteera emanez eta herritarrentzako lanpostuak sortuz.

HELBURUAK

ZAPOREAK ze asmo dauka?

ZAPOREAK Proiektuak Wukro eta inguruetan nekazaritza elikagaien arloan ekintzak garatzea du xede honako emaitzak bilatze aldera:

1. Misioko langileen eta bisitarien, Saint Mary Eskolakoak eta biztanleriaren elikatzeko baldintzak hobetu.

2. Ostalaritza eta nekazaritzako elikagaien sektoreko ekintzetarako langile kualifikatuak hezi.

3. Nekazaritza elikagaien eta ostalaritzaren arloan baliabide ekonomikoak sortuko dituzten merkataritza eta industria ekintzak burutu. Baliabide horiek, biztanleriaren garapenera eta Saint Mary Eskola mantentzera bideratuko dira.

EGIN BEHARREKO JARDUERAK

Zaporeak proiektua ezartzeko ondorengo jarduerak burutuko dira:

1 Jarduera: Angel Olaranen misioaren sukaldea egokitzea eta hornitzea.

2 Jarduera: Saint Mary Eskolako sukaldea egokitzea eta hornitzea.

3 Jarduera: Ostalaritza eta Gastronomia Eskola abian jartzea.

4 Jarduera: Nekazaritzako elikagaien arloan industria/merkataritza jarduera bat martxan jartzeko bideragarritasuna aztertzea.

FINANTZIAZIO ITURRIAK

Crowdfunding-ri esker, 1. jarduera aurrera eramateko behar dugun kantitatea bildu nahi dugu.

Proiektuaren jarduera solidarioa denez, sariek balio sinbolikoa izango dute, 500€-ko ekarpen handiagoetan izan ezik.

Guztion artean Etiopiako elikatzeko segurtasun eza kronikoari aurre egingo diogu!

Lagunduko gaituzu?